José Carlos Capel

Ekonomia Zientzietan lizentziatu zen, baina benetan atsegin zuena sukaldatzea zen.

25 urte bete ditu El Pais egunkariko kritika gastronomika egiten eta Madrid Fusión-eko lehendakaria da. Dozenaka liburu idatzi ondoren, zaletasuna bizimodu bihurtu du.

Josep Roca

Josep Roca i Fontané (Girona, 1967) El Celler de Can Roca jatetxeko sommelierra, jangela-arduraduna eta jabekidea da, bere bi anaiekin batera. Ikuspegi sistematikoa du egunero bere bezeroei El Celler zer den azaltzeko, alegia plazera sortzeko makina horren errealitatea. Berak hitz egiten du edariez eta jakiez, azaldu eta hobetu egiten ditu: hitzaren boterea, balio ezkutuak adierazteko magia.

Didier Fertilati

Fertilati Didier, Alain, Gilbert

Quique Dacosta jatetxeko taldekidea da 2007az geroztik. Hango maitrea da eta ezin hobeto betetzen du anfitrioiaren eta, areago, zeremonia-maisuaren eginkizuna. Haren profesionaltasuna eta esperientzia ezin garrantzitsuagoak izan dira Deniako jatetxea gaur egun munduko onenen artean egon dadin.

Joserra Calvo

Mugaritzeko jangela-arduraduna da.

Komunikatzaile bikaina izanik ere, apaltasuna eta jardunbide ona ditu ezaugarri.

Berak dienez, “protokolo klasikoak eredu zaharkituak betetzera behartzen gaitu, eta hori askotan gogaikarria da mahai-lagunentzat”.

Jangela antzerki-lan batekin alderatzen du… eta jangelako zuzendaria baino areago, esperientzia-koreografoa ematen du.

Mikel Zeberio

Gastronomiaren zalea da, oro har.

Gastronomika eta Viandar aldizkarietako zuzendaria da. Irratiko programa bat dauka Onda Ceron duela 10 urtetik, baina bizitza osoa eman du hainbat komunikabidetan kolaboratzen.

Horrez gain, ekitaldiak antolatzen ditu mundu zabalean. Berak dio tabernaria, sukaldaria, ardogilea, sagardogilea, gaztagilea… dela, baina, hori bai, guztiz apala da.

Gaur egun eskolak ematen ditu Donostiako Basque Culinary Centerren, Gastronomia eta Sukaldaritza Arteen Graduko ikasleei, baita Sommeliertza eta Enomarketin Masterrekoei eta Zaleei ere.

Arturo Pardos Duque de Gastronia

Arturo Pardos ilusionista bitxi eta dotorea da, narratzaile kritikoa, hitz-egile ausarta, pentsalari lotsagabea, gastronomiari buruzko hizketa sarkastikoa eta kasuistikoa duen jenio bat. Gastronomiaren Antzerkirako agertokirik ederrenaren sortzailea da. Arkitektoa, irakaslea, marrazkilaria, idazlea, Daliren obran aditua, magoa, eta goren mailako jakintsua Freuden gastropentsamendu abstraktu eta xelebrean.

Andrés Proensa

Andrés Proensa Aguado Madrilen jaio zen, 1958an. Ardoetan espezializatutako kazetaria da eta Espainiako ardoez idazten duten adituetan eskarmentu handienetako bat dugu.

La Actualidad Española astekarian informazio orokorraz idazten jardun ondoren (1973-1979), Gourmets taldean sartu zen, eta ardoari buruzko informazioan espezializatu zen.

Juan Mediavilla

40 urtez jardun du lanean jatetxe-arloko hainbat eremutan, ibilbide luzea eginez eta esperientzia ugari bereganatuz.

Bere lanbide-karrerari esker, lana hazkunde pertsonaleko eragilea izan da berarentzat. Hainbat sektoretako pertsonekin (jatetxe-arloko, diseinuko, giza baliabideetako eta kulturako profesionalekin) dituen harremanei esker, sukaldaritzaren munduaz duen ikuspegia zabaldu ahal izan du. Sukaldaritzak izandako garapenaren eta iraultzaren ikusle pribilegiatua izan da.

Mar Galindo

Pertsona bakoitzaren nolakotasunik onenak hautemateko konpromisoa eta grina duen profesionala da. Gizarte-erakundeen eta jatetxe- eta ostalaritza-arloetako enpresen gestioan eta zuzendaritzan esperientzia luzea metatu ondoren, beste norabide bat eman zion bere karrerari, bere benetako grinarekin eta gaitasun handiarekin lotzeko: pertsona bakoitzaren nolakotasunik handienak hautematea, haiengandik errendimendurik handiena ateratzeko.

Jasone Alba

Filosofian lizentziatua da eta Tai-Chi, Giza Adierazpen, Antzerki, Psikodrama eta Dantza alorretako ikasketak egin ditu.

25 urtetik gora eman ditu irakasten Antzertiko eta TAEko aktoreekin eta Musikene-Goi Mailako Musika Eskolako musikariekin, eta Basque Culinary Centerreko kolaboratzailea da hasiera-hasieratik.

“Artearen esperientzia eta jokoaren bulkada sorkuntzan” izeneko laborategiko zuzendaria da. Diziplina anitzeko piezak ere zuzendu ditu, hala nola Bihozkadak dantza-antzerkia eta Isladak kantu, antzerki eta dantza.

Horrez gain, eskolak ematen dizkie Basque Culinary Centerreko ikasleei “Zerbitzua eta Bezeroaren Arreta” lantegian.

Santos Bregaña

Jatorri kroaziarra badu ere, Iruñean jaio zen istripuz, 1965ean. Arkitektura ikasi zuen Donostian eta Bartzelonan, eta 1996an Laia diseinu-lantegia sortu zuen. Ordutik hona, diseinu grafikoko eta industrialeko proiektuak egiten ditu. Donostiako erdialdean kokatutako Laia diseinu-lantegiak kultura gastronomikoari lotutako hainbat lan egin ditu.

Berak egindako portzelanazko diseinu-lanak mundu zabaleko jatetxe eta hotel onenetan daude eta erakusgai egon dira Parisen, Washingtonen, New Yorken, Tokyon eta abar. 


Patxi Troitiño

Errenteriako Stick koktel-tabernako jabe eta tabernaria da. Espainiako koktel-txapelduna izan zen 2009an, eta espainiar ordezkaria izan zen Singapurreko munduko txapelketan.

Lehen liburua, “Cócteles internacionales y nuevas creaciones” izenburukoa, 2010eko abenduan argitaratu zuen, Everest argitaletxearekin. Hari esker Munduko Koktel Libururik Onenaren Gourmand Saria lortu zuen 2010ean.

Patxik eskolak ematen ditu Euskal Herriko jatetxe-eskolarik onenetan: Basque Culinary Center, Luis Irizar eta abar.

Antonio Naranjo

Jatorriz kubatarra da, baina Espainiara emigratu zuen, eta Taberna de Alabarderoko Goi Mailako Ostalaritza Eskolan ikasi zuen, Sevillan.

Ikasketak bukatutakoan, lanbideari ekin zion Adria anaiek Bartzelonan duten Tickets jatetxeko 41 Grados koktelerian. Bertan, Marc Alvarez barra-arduradunaren laneko filosofia ikasteko aukera izan zuen.

Mr. Massó koktela sortu zuen, eta horren bidez Bacardi Legacy lehiaketa irabazi zuen, 2014an.
 Gaur egun, Sevillako Alfonso XIII hoteleko ENA by Carles Avellan terraza-jatetxeko lehen tabernaria da.

David Ríos

David Ríos, 2013an munduko bartender hoberena, 2010an Estatu mailan Gin Tonic txapelketako irabazlea, eta 2011an Gin Tonic Nazioarteko txapelketako irabazlea.

Bilboko Jigger Coctail cocteleriko nagusia, Nazioartean naiz Estatu mailan koktelerien artean hobenen artean kokatua dagoena. Mugaritz eta Aizian jatetxeetan Jangela nagusi eta Sumiller lan egindakoa.

Egun, eskolak ematen ditu, kurtsoak,eta hizlari moduan aritzen da munduan zehar eta nazioarteko coctelerien eta munduko tabernen hoberetarikoen epaile bezala dabilena.

Abel Valverde

Ospe handiko profesionala da jatetxe-arloan. Relais & Chateau establezimendu entzutetsuan ekin zion Ibilbide profesionalari, eta ondoren El Racó de Can Fabes jatetxean aritu zen.

Gaur egun, Madrilgo Santceloni jatetxeko lehen maitrea da, baita erreferentziazko profesionala ere belaunaldi berrientzat, bere ilusioari, lanarekiko ardurari eta hobetzeko espirituari esker.

Dimitris Leivadas

The Fat Duck jatetxeko zuzendaritza-taldeko kide garrantzitsua izan da 2014ko martxora arte.

Anfitrioi bikaina da eta ardura eta hobetzeko gogoa ditu ezaugarri.

Haren diskrezioari eta besteek behar dutena aurreratzeko gaitasunari esker, munduko profesionalik onenetako bat da.

Gaur egun sektoreko aholkularitzan dihardu, berak sortutako Dimitris “Dimi” Leivadas enpresan.

Francesc Altarriba

Francesc Altarriba Manlleu-n (Bartzelonan) jaio zen eta bere lanbide-bizitza ogiaren munduari eskaini dio. Berritzailea izan da beti, oinarrizko elikagai horren manufakturaren ikuspegitik, eta emankorra, produktu horren inguruan joera progresista bat eta debatea ireki duten proposamenen aldetik.